चिमूर येथील जीव घेणे हीलिंग टच मल्टी स्पेशालिटी हॉस्पिटल त्वरित बंद करा …जिल्हाधिकारी ला तक्रार

चिमूर शहरामध्ये हिलींगटच मल्टीस्पेशालिटी हॉस्पिटलमध्ये खुलेआम कोरोना पॉझिटिव्ह रुग्णांकडून दारातच घेतले जातात २ लाख रुपये व चुकीच्या पद्धतीने रुग्णांवर उपचार करून रुग्ण मारले जात आहे. उप जिल्हा रुग्णालयाचे वैधकीय अधीक्षक डॉ.गो.वा. भगत यांना दूरध्वनी च्या माध्यमातून विचारना केली असता नॉर्मल रुग्णांवर उपचार करण्याची परवानगी दिली गेलेली आहे. असे सांगितले असून कोरोनाचे रुग्ण मोठ्या प्रमाणावर या हॉस्पिटलमध्ये घेतले जातात आणि चुकीच्या पद्धतीने उपचार करून रुग्णांना मारले जात आहे.



तसेच एकाच दिवशी १७ ओ टू सिलेंडर एका रुग्णाला लावली जातात हा काय प्रकार आहे ? अशा प्रकारच्या ट्रिटमेंट ने रुग्ण वाचेल कि मरेल असा स्थानिकांचे मत आहे. याचबरोबर या रुग्णालयावर कारवाई करून रुग्णालयाला सिल ठोकून बंद करून हॉस्पिटल मध्ये मृत रुग्णांच्या नातेवाईकांना उपचारार्थ घेतलेली लाखो रुपये फी परत करण्यात यावे व फौजदारी कार्यवाही करण्यात यावी अशी मागणी रुग्णांच्या भावंडांनी शिवम सोरदे शांतिभूषण सोरदे तसेच भारतीय क्रांतिकारी संघटनेचे अध्यक्ष डार्विन कोब्रा व उपाध्यक्ष टेरेन्स कोब्रा सामाजिक कार्यकर्ते सारंग दाभेकर , कैलास भोयर यांनी केली आहे.