चंद्रपूर जिल्ह्यासाठी आजचाही दिवस दिलासादायक… नऊ मृत्यू सोबत 895 बाधित..

चंद्रपूर जिल्ह्यात मागील 24 तासात 1358 जणांनी कोरोनावर मात केल्याने त्यांना रुग्णालयातून सुटी देण्यात आली आहे, तर 895 कोरोना बाधीत रुग्णांची नव्याने भर पडली असून 9 बाधीतांचा मृत्यू झाला आहे.



जिल्ह्यात आतापर्यंत एकूण बाधितांची संख्या 73 हजार 314 वर पोहोचली आहे. तसेच सुरवातीपासून आतापर्यंत बरे झालेल्यांची संख्या 59 हजार 976 झाली आहे. सध्या 12 हजार 212 बाधितांवर उपचार सुरू आहेत. आतापर्यंत 4 लाख 18 हजार 95 नमुन्यांची तपासणी करण्यात आली असून त्यापैकी 3 लाख 40 हजार 531 नमुने निगेटीव्ह आले आहेत.



आज मृत झालेल्यामध्ये चिमूर तालुक्यातील किटाळी मक्ता येथील 44 वर्षीय पुरुष. गोंडपिपरी तालुक्यातील करंजी येथील 57 वर्षीय महिला. सिंदेवाही तालुक्यातील 81 वर्षीय महिला. राजुरा तालुक्यातील 45 वर्षीय पुरुष, 50 वर्षीय महिला. बल्लारपूर तालुक्यातील आसेगाव येथील 46 वर्षीय पुरुष. बाळापूर तळोधी येथील 51 वर्षीय पुरुष व पाथरी येथील 35 वर्षीय महिला. तर वणी-यवतमाळ येथील 64 वर्षीय पुरुषाचा समावेश आहे.



जिल्ह्यात आतापर्यंत 1126 बाधितांचे मृत्यू झाले असून यापैकी चंद्रपूर जिल्ह्यातील 1039 , तेलंगणा एक, बुलडाणा एक, गडचिरोली 35, यवतमाळ 35, भंडारा 10, वर्धा एक, गोंदिया दोन आणि नागपूर येथील दोन बाधिताचा समावेश आहे.

चंद्रपूर जिल्ह्याची रुग्णसंख्या

ठिकाण	रुग्ण संख्या
चंद्रपूर महानगरपालीका क्षेत्रातील	294
चंद्रपूर तालुका	94
बल्लारपूर	62
भद्रावती	24
ब्रम्हपुरी	09
नागभिड	16
सिंदेवाही	17
मूल	14
सावली	07
पोंभुर्णा	47
गोंडपिपरी	52
राजूरा	52
चिमूर	08
वरोरा	95
कोरपना	96
जिवती	01
इतर ठिकाणच्या	07
एकूण	895

नागरिकांनी कोरोना पुर्णपणे संपला या मानसिकतेतून बाहेर यावे आणि मास्कचा वापर, वारंवार हात धुणे व सुरक्षीत अंतर राखणे या त्रीसुत्रीचा नियमित वापर करावा, स्वत:ची काळजी घ्यावी तसेच 45 वर्षावरील सर्व नागरिकांनी जवळच्या केंद्रावरून कोरोनाची लस घ्यावी, व प्रशासनाने दिलेल्या सूचनांचे पालन करावे. असे आवाहन जिल्हाधिकारी अजय गुल्हाने यांनी केले आहे.